Афзоиши марг бар асари CОVID-19 дар Тоҷикистон: шумори ҷонбохтагон ба 83 нафар расид

© REUTERS / DANISH SIDDIQUIЛечение больных с коронавирусом
Лечение больных с коронавирусом - Sputnik Тоҷикистон
Обуна шудан
Вазорати тандурустӣ ва ҳифзи иҷтимоии аҳолии Тоҷикистон хабар додааст, ки дар ҷумҳурӣ дар шабонарӯзи гузашта боз як нафари дигар бар асари вируси корона даргузашт, ҳамин тавр шумори умумии ҷонбохтагон ба 83 нафар расид

ДУШАНБЕ, 3 ноя – Sputnik. Тибқи иттилои Вазорати тандурустӣ ва ҳифзи иҷтимоии аҳолии Тоҷикистон, тайи шабонарӯзи гузашта 43 ҳолати ҷадиди гирифторӣ ба коронавирус ошкор карда шуд.

Коронавирус дар Тоҷикистон: омори моҳи октябр - Sputnik Тоҷикистон
Омори октябрии COVID - 19 дар Тоҷикистон

Манбаъ таъкид кард, ки дар маҷмуъ аз охири моҳи апрел то шоми имрӯз 11 ҳазору 139 нафар гирифтори коронавирус гардиданд.

Вазорат таъкид кардааст, ки дар як шабонарӯзи охир 52 нафар пас аз табобат ёфта ба хонаҳояшон рухсат дода шуданд. Тибқи иттилои манбаъ дар маҷмӯъ шумораи шифоёфтагон аз ин беморӣ дар Тоҷикистон ба 10389 (93,2 %) нафар баробар гардид.

Дар ҳамин ҳол манбаъ қайд кардааст, ки то имрӯз бар асари ин беморӣ  83 нафар фавтидаанд.

Вазорат бори дигар зикр кардааст, ки Ҳукумати кишвар айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодааст.

Лентаи хабарҳо
0