ДУШАНБЕ, 16 окт — Sputnik. Козими Ҷалолӣ сафири Эрон дар Русия дар конференсияи байналмилалии илмӣ ва корбурдии забонҳо ва фарҳангҳои шарқу Африқо, бо баёни ин ки забон омили пайванди кишварҳо ва фарҳангҳо ба ҳамдигар аст, гуфт, ки забонҳои форсӣ ва русӣ барои пайванд додани ду кишвари ҳамсоя Эрону Русия нақши босазое дорад, иттилоъ додааст хабаргузории ИРНА.
Манбаъ таъкид доштааст, ки сафири Эрон дар Русия бо баёни ин ки Донишгоҳи давлатии забоншносии Маскав 20 сол аст, ки ба конуни муҳими тадриси забони форсӣ ва маҳаллӣ барои мутолиоти эроншиносӣ табдил шудааст, тасреҳ кард: дар солҳои ахир иқдомоти муассире дар табодули донишҷӯ ва иртибототи байни донишгоҳҳои ду кишвар анҷом шудааст.
Эрон эълон кард омодааст дар ҳамаи заминаҳо бо Тоҷикистон ҳамкорӣ кунад
Аввалин конференсияи байналмилалии илмӣ ва корбурдии забонҳо ва фарҳангҳои шарқу африқоӣ тавассути Донишгоҳи давлатии забоншносии Маскав 14 октябр бо ҳузури сафири Эрон дар Русия ба сурати онлайн оғоз ба кор кард.
