ДУШАНБЕ, 5 окт — Sputnik. Ба нақл аз хабаргузории Садо ва Симо, Тариқ Ариан ахиран гуфт, ки дар ҳамла ба корвони волии Лағмон Раҳматуллоҳ Ярмал чаҳор волӣ ва чаҳор ғайринизомӣ кушта шуданд ва ду муҳофизи ӯ ва 28 ғайринизомӣ маҷрӯҳ шуданд.
Гуфта мешавад остондор Лағмон низ дар ин инфиҷор захмӣ шудааст.
Абдулло Абдулло, раиси шӯроии олии мусолиҳаи миллии Афғонистон дар вокуниш ба ин ҳамла эълом кард, ки дар шароите, ки мардум дар интизори сулҳу поёни хунрезӣ ҳастанд чунин рӯйдодҳое, ки қурбониёни он ғайринизомиён ҳастанд, мояи ноумедӣ ва нигаронӣ аст.
Ин ҳамлаи террористӣ дар ҳоле аст, ки музокироти сулҳи Афғонистон байни давлати ин кишвар ва гурӯҳи Толибон дар Дуҳаи пойтахти Қатар ба манзури поёни ҷангу даргирӣ дар Афғонистон дар ҳоли баргузорӣ аст.
