ДУШАНБЕ, 7 сен — Sputnik. Бино бар иттилои дафтари матбуоти вазорати умури дохилаи Тоҷикистон, ахиран ба ШВКД дар шаҳри Ҳисор марди 29-солаи сокини ҷамоати деҳоти Сомони шаҳри мазкур шикоят бурдааст, ки як ҷавони 19-сола ба ӯ дар назди масҷид бе ягон асос ҳамла кардааст.
Ба гуфтаи вай ин ҳодиса санаи 6-уми сентябри соли равон, тахминан соати 22:30-дақиқа, дар назди масҷиди деҳаашон рух додааст.
Марди 29-сола қайд кардааст, ки ҷавони 19-солаи сокини ҳамон ҷо, бе ягон асос бо истифода аз корди дар дасташ буда, ду маротиба ба пои чапаш задаст.
Тибқи иттилои манбаъ, дар натиҷа, ҷабрдида ҷароҳати ҷисмонӣ ба саломатиаш бардошта, дар беморхона бистарӣ гардидааст.
Дар ҳоли ҳозоир ба иттилои ВУД Тоҷикистон кормандони милитсия аз рӯи ҳодисаи мазкур тафтишот идома доранд.
