Сераҳолитарин миёни кишварҳои Осиёи Миёна Ӯзбекистон мебошад, ки ба иттилои Кумитаи байнидавлатии омори ИДМ ба ҳолати аввали соли 2020 дар ин ҷумҳурӣ 33,9 миллион нафар зиндагӣ мекарданд.
Дар Қазоқистон 18,6 миллион нафар, дар Тоҷикистон 9,3 миллион ва дар Қирғизистон 6,5 миллион нафар сабт шудаанд.
Қисми зиёди аҳолии кишварҳои минтақаро сокинони аз 15 то 65-сола ташкил медиҳанд. Дар ҳамин ҳол дар Қирғизистон ва Қазоқистон занҳо нисбати мардон бештаранд, дар Тоҷикистону Ӯзбекистон баръакс теъдоди мардҳо зиёдтар мебошад.
Сатҳи поинтарини афзоиши аҳолӣ дар Қазоқистон ва аз ҳама баланд дар Ӯзбекистон ба қайд гирифта шудааст.
Ба иттилои Кумита, дарозумрӣ аз ҳама зиёд дар Қазоқистон ва аз ҳама кам дар Қирғизистон мебошад. Дар Тоҷикистон синни миёна барои занҳо 76,9 ва барои мардҳо - 73,3-ро ташкил медиҳад.
