ДУШАНБЕ, 1 авг — Sputnik. Бештар аз сад шаҳрванди Тоҷикистон аз Укроин баргаштанд, хабар медиҳад Вазорати корҳои хориҷии Тоҷикистон.
Бино бар иттилои манбаъ,29 июл дар партави дастури Ҳукумати Ҷумҳурии Тоҷикистон 109 нафар шаҳрвандони Тоҷикистон тавассути парвози чартерӣ ба Душанбе оварда шуданд.
Парвозро ширкати ҳавопаймоии укроинии Joniкa аз Киев ба Душанбе анҷом додааст.
Вазорати корҳои хориҷии Ҷумҳурии Тоҷикистон афзудааст, дар маҷмуъ рӯзи 29 июл 144 нафар аз Укроин ба Тоҷикистон оварда шуданд, ки 109 нафарашонро шаҳрвандони Ҷумҳурии Тоҷикистон ва 35 нафарро тоҷиктаборони Укроинро ташкил медиҳанд.
Пештар вазири умури хориҷии Тоҷикистон Сироҷиддин Муҳриддин хабар дод, ки дар замони пандемия дар маҷмӯъ 4 ҳазор шаҳрвандти Тоҷикистон ба ватан баргардонида шуданд.
