ДУШАНБЕ, 22 июл — Sputnik. Кормандони Ожонси амнияти ғизоии Озарбойҷон иттилоъ доданд, ки 26 ҳазор қутӣ оби минералии бастабандишуда дар Тоҷикистонро ба иллати гузаштани таърихи истеъмолашон мусодира карданд, иттилоъ додааст радиои Садои Хуросон.
Инчунин, манбаъ ба нақл аз сомонаи Ожонси амнияти ғизоии Озарбойҷон, таъкид доштааст, ки ин миқдор оби минералии воридотӣ аз Тоҷикистон дар анбори як фурӯшгоҳи маводи ғизоӣ дар яке аз хиёбонҳои шаҳри Боку нигаҳдорӣ мешуд.
Гуфта шудааст, ки қутиҳои об бидуни риояти дамои муносиб ва бо вуҷуди таърихи масрафи гузаштаашон нигаҳдорӣ мешуданд.
Манбаъ қайд кардааст, ки баъд аз кашф ва обҳои истеҳсоли Тоҷикистон мусодира гардиданд.
Ҳамзамон манбаъ зикр намудааст, ки обҳои минералии мусодирашуда дар Озарбойҷон аз брандҳои "Сиёма", "Оби Зулол" ва "Ҳавотоғ" будаанд, ки ширкатҳои машҳури тавлид ва бастабандии оби миниралӣ дар Тоҷикистон ба ҳисоб меоянд.
