ДУШАНБЕ, 29 июн — Sputnik. Вазорати тандурустии Тоҷикистон омори ҷадиди сироят, шифоёбӣ ва фавт аз коронавирус барои як рӯзи охирро нашр намуд.
Бар хабари котиботи вазорат, шабонарӯзи гузашта ба ин маризӣ боз 51 нафари дигар мубтало шудааст.
54 ҳолати ҷадид: омори нави сироят, шифоёбӣ ва фавт аз коронавирус дар Тоҷикистон
Бо илова шудани мавориди ҷадид, шумораи умумии дардмандони коронавирус дар Тоҷикистон ба 5900 нафар расид.
Манбаъ тавзеҳ медиҳад, то имрӯз дар мамлакат 4506 (76,3%) нафар аз COVID-19 шифо ёфта, аз ин беморӣ 52 нафар фавтидаанд.
"Шабонарӯзи охир 264 нафар гумонбарон зери назорати табибон қарор дошта, 58 нафар баъд аз муолиҷа ба хонаҳояшон рухсат дода шуданд". - таъкид мешавад дар хабар.
Қобили зикр аст, имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шуда ба аҳолии ҷумҳурӣ хизмат мерасонанд.
