Қарори Ситод дар бораи парвозҳо ба Дубай, Ӯзбекистон, Русия ва Туркия

© Sputnik / Сергей СубботинКохир Расулзода, архивное фото
Кохир Расулзода, архивное фото - Sputnik Тоҷикистон
Обуна шудан
Ситоди ҷумҳуриявии мубориза бо COVID-19, таҳти раёсати сарвазир Қоҳир Расулзода қарор кардааст, ки парвозҳо ба бархе кишварҳо аз сар гирифта шаванду ба баъзе давлатҳои дигар мавриди баррасии иловагӣ қарор гиранд

ДУШАНБЕ, 17 июн - Sputnik. Тибқи қарори Ситод, барои парвозҳо ба шаҳри Дубайи Аморати Муттаҳидаи Араб ва Ӯзбекистон аз 1-уми июли соли равон иҷозат дода мешавад. Таъкид шудааст, ки мусофирон бояд ҳатман маълумотномаи тиббӣ дошта бошанд.

Свадебная пара, архивное фото - Sputnik Тоҷикистон
Танҳо як маърака ва 100 нафар: Тоҷикистон гузаронидани тӯйҳои хонадоршавиро иҷозат дод

Ситод тасмим гирифтааст, ки оғози парвозҳо ба Русия, Туркия ва Чин мавриди омӯзиши иловагӣ қарор дода шаванд.

“Агентии авиатсияи граждании Ҷумҳурии Тоҷикистон вазифадор карда шуд, ки масъалаи ташкили парвозҳоро ба самти Федератсияи Россия, Туркия ва Ҷумҳурии Мардумии Чин мавриди омӯзиш қарор дода, ба Ситоди ҷумҳуриявӣ таклифу хулоса пешниҳод намояд”, - омадааст дар иттилоияи расмӣ.

Ситоди ҷумҳуриявӣ афзуд, ки дар баробари пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID-19, ҳамчунин парвозҳои транзитӣ ва чартерӣ барои интиқоли молу маҳсулот тариқи хатсайрҳои байналмилалӣ анҷом дода мешавад.

Ситоди ҷумҳуриявии мубориза бо COVID-19 масъулинро муваззаф кардааст, ки барои пешгирӣ аз хуруҷи мавҷи дуюми бемории сироятии коронавирус, захира ва нигоҳдории маводи доруворию маҳлулҳои безараргардонӣ, тақвияти корҳои фаҳмондадиҳӣ ҷиҳати пешгирӣ аз хуруҷи мавҷи дуюми ин беморӣ тадбирҳои таъхирнопазир андешанд.

Лентаи хабарҳо
0