ДУШАНБЕ, 21 май — Sputnik. Кормандони милитсия марди 33 - солаи сокини шаҳри Хуҷандро бо гумони ташкил ва нигоҳдошти фоҳишахона дастгир намуданд, хабар медиҳад котиботи ВУД Тоҷикистон.
Ба иттилои манбаъ, номбурда, санаи 17-уми майи соли 2020, тахминан соатҳои 12:30 дақиқа, хонаи истиқоматиаш, дар маҳаллаи 19-уми шаҳри мазкур воқеъбударо ба фоҳишахона табдил додааст.
"Боздоштшуда барои алоқаи ҷинсӣ намудан ба марди 33-солаи сокини ҷамоати деҳоти Унҷии ноҳияи Б.Ғафуров ва зани 27-солаи сокини шаҳри Бӯстон шароит муҳайё намуда, аз онҳо 150 сомонӣ мукофотпулӣ гирифтааст", - таъкид доштааст манбаъ.
200 сомонӣ иҷораи фоҳишахона дар деҳот: мизоҷ зану марди ҷавон
Зимнан, худи ҳамон рӯз тахминан соатҳои 15:30 дақиқа, дар хонаи истиқоматиаш барои алоқаи ҷинсӣ намудан ба мард ва зани 33-солаи сокинони шаҳри Бӯстон шароит муҳайё намуда, аз онҳо 150 сомонӣ мукофотпулӣ гирифтааст.
ВУД Тоҷикистон мегӯяд, нисбати гумонбаршаванда парвандаи ҷиноятӣ бо моддаи 239 қисми 2 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.
