Ҳукумат Масҷиди бузурги Душанберо ба тавозуни Кумитаи меъморӣ гузаронд

© © Sputnik / Амир ИсаевНовая мечеть в Душанбе
Новая мечеть в Душанбе - Sputnik Тоҷикистон
Обуна шудан
Эмомалӣ Раҳмон, раисиҷумҳури Тоҷикистон, бо имзои қарори Ҳукумат санади комиссияи давлатии қабул дар бораи анҷоми сохтмони Масҷиди бузурги Душанберо тасдиқ кард

ДУШАНБЕ, 15 май – Sputnik. Бар асоси қарор, ки Эмомалӣ Раҳмон аввали моҳи равон имзо кард, Комиссияи давлатии қабул санади анҷоми сохтмони Масҷиди бузурги Душанберо тасдиқ намуд.

Новая мечеть в Душанбе - Sputnik Тоҷикистон
Ба Президент пешниҳод карданд, ки бузургтарин масҷидро "Хуросон" ном ниҳанд

Ҳукумати Тоҷикистон Кумитаи меъморӣ ва сохтмони кишварро муваззаф намудааст, ки Масҷиди бузурги Душанберо ба тавозуни худ қабул намояд.

Феълан маълум нест, ки дарҳои ин масҷид кай барои намозгузорон ифтитоҳ хоҳад шуд.

Қаблан дар назар буд, ки маросими ифтитоҳи масҷид моҳи марти соли равон бо ҳузури амири Қатар баргузор шавад.

“Ба далели паҳншавии бемории короновирус, сафари амири Қатар ба Тоҷикистон ба таъхир афтод. Ҳамин тариқ ифтитоҳи Масҷиди нави ҷомеи марказии шаҳри Душанбе низ ба таъхир гузошта шуд”, - хабар доданд масъулини Кумитаи дини Тоҷикистон.

Новая мечеть в Душанбе - Sputnik Тоҷикистон
Намози Амири Қатар дар Душанбе: Масҷиди бузурги пойтахт кай ифтитоҳ мешавад?

Дар ҳамин ҳол, манбаъ афзуд ташрифи амири Қатар ба Тоҷикистон то ҳол маълум нест.

Масҷиди бузурги ҷомеи Душанбе интизор меравад яке аз бузургтарин масҷидҳои кишвару минтақа бошад, ки ҳудуди 100 ҳазор нафарро дар як вақт ҷой медиҳад.

Масҷиди бузурги ҷомеи шаҳри Душанбе дар майдони 12 гектар замин ҷойгир шуда, аз биною мавзеъҳои намозхонӣ, китобхона, осорхона, толорҳои маҷлисӣ ва қабули меҳмонон барои мулоқоту гуфтушунидҳо иборат мебошад. Масоҳати зери бинои масҷид бошад, 3 гектарро ташкил дода, санги асоси онро Эмомалӣ Раҳмон моҳи октябри соли 2009 дар рӯзҳои таҷлили 1310 - солагии Имоми Аъзам ва Соли бузургдошти асосгузор ва пешвои мазҳаби ҳанафӣ гузошта буд.

Лентаи хабарҳо
0