Врачи - Sputnik Тоҷикистон
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

Суҳбати телефонии Раҳмон ва Руҳонӣ: Эрон ба Тоҷикистон мутахассису доруворӣ мефиристад

© Sputnik / Амир ИсаевПрезидент Ирана Хасан Роухани и президент Таджикистана Эмомали Рахмон
Президент Ирана Хасан Роухани и президент Таджикистана Эмомали Рахмон - Sputnik Тоҷикистон
Обуна шудан
Эмомалӣ Раҳмон, раисиҷумҳури Тоҷикистон имрӯз бо Президенти Ҷумҳурии Исломии Эрон Ҳасани Рӯҳонӣ гуфтугӯи телефонӣ кардааст

ДУШАНБЕ, 6 май — Sputnik. Тибқи иттилои дафтари матбуотии президент, дар оғози суҳбат ҷонибҳо якдигар ва мардумони кишварҳои худро бо фарорасии моҳи шарифи Рамазон табрик намуда, алоқамандии худро ҷиҳати густариши ҳамкориҳои иқтисодӣ-тиҷоратии дуҷониба иброз доштанд.

В.Путин принимает участие в четвертом Каспийском саммите - Sputnik Тоҷикистон
Руҳонӣ: коронавирус сартосари Эронро фаро гирифт

Ба иттилои манбаъ, дар робита ба ин изҳори умед карда шуд, ки ҷаласаи навбатии Комиссияи муштараки байниҳукуматӣ оид ба ҳамкориҳои иқтисодиву тиҷоратӣ ва техникиву фарҳангӣ дар мӯҳлатҳои муқарраршуда баргузор мегардад.

“Дар ҷараёни суҳбат сарони ду давлат атрофи масъалаҳои ташвишовари шиддат гирифтани таҳдиду хатарҳои замони муосир ба амнияти ҷаҳонӣ ва минтақавӣ мубодилаи афкор анҷом дода, дар пасманзари паҳншавии пандемияи коронавирус мавзуи зуҳуроти буҳрониро дар иқтисоди ҷаҳонӣ мавриди баррасӣ қарор доданд”,-афзудааст манбаъ.

Дар ин зимн ҷонибҳо оид ба иқдомҳои амалӣ ҷиҳати мубориза бо пандемия мубодилаи иттилоъ намуданд.

Мужчина в маске смотрит на телефон - Sputnik Тоҷикистон
Омори COVID-19 дар Тоҷикистон: 8 фавту наздики 400 гирифтор

Президенти Тоҷикистон дар идомаи суҳбат ба мардуми дӯсти Эрон изҳори ҳамдардиву тасаллият ва ба ҳамаи беморон шифои комил орзӯ намуда, ба талошҳои қотеона ва саривақтии ҷониби Эрон дар мубориза бо ин бемории сироятӣ баҳои баланд додааст.

“Ҷонибҳо ҳамчунин баъзе ҷанбаҳои муносибатҳои дуҷонибаи Тоҷикистону Эронро мавриди муҳокима қарор доданд. Аҳамияти андешидани чораҳои зарурӣ бо мақсади паст кардани сатҳи таъсири манфии пандемия ба ҷараёни рушди онҳо таъкид гардид”,-азудааст манбаъ.

Манбаъ мегӯяд, бо дарназардошти таҷрибаи ғанӣ дар мубориза бо паҳншавии пандемияи коронавирус Президенти Ҷумҳурии Исломии Эрон барои расонидани кӯмак ба Ҷумҳурии Тоҷикистон, аз ҷумла бо таҷҳизот, мутахассисони соҳавӣ ва маводи доруворӣ изҳори омодагӣ намуданд.

Дар рафти суҳбат инчунин дигар масъалаҳои рӯзмарраи байналмилаливу минтақавӣ мавриди гуфтушунид қарор доштанд.

Лентаи хабарҳо
0