ДУШАНБЕ, 6 апр — Sputnik. Борис Ҷонсон, нахуствазири Бритониё оҷилан дар бемористон бистарӣ шуд, иттилоъ додааст хабаргузории РИА Новости дар истинод ба манбаъ дар соҳаи тадурустии Бритониё.
Ба гуфтаи манбаъ, пизишкон тасмим доранд нахуствазири Бритониёро ба дастгоҳи танафуси маснуӣ (ИВЛ) пайваст намоянд.
Ин дар ҳолест, ки сухангӯи нахуствазири Бритониё ба хабарнигорон гуфт, таб ва сулфаи Борис Ҷонсон, ки гирифтони коронавирус шудааст ва вазъи саломатиаш чандон хуб нест, идома дорад ва ба ҳамин хотир пизишкон ба хулоса омаданд, ки ӯро дар бемористон бистарӣ кунанд.
Дар ҳамин ҳол, намояндаи расмии ҳукумати Бритониё таъкид кардааст, ки нахуствазири ин кишвар аз бемористон бо ҳукумат дар тамос аст ва кори ҳукумати Бритониёро ба таври фосилавӣ роҳбарӣ дорад.
Хабари сироят ёфтани Борис Ҷонсон ба коронавирус санаи 27 марти соли равон эълон шуда буд.
Over the last 24 hours I have developed mild symptoms and tested positive for coronavirus.
— Boris Johnson #StayHomeSaveLives (@BorisJohnson) March 27, 2020
I am now self-isolating, but I will continue to lead the government’s response via video-conference as we fight this virus.
Together we will beat this. #StayHomeSaveLives pic.twitter.com/9Te6aFP0Ri
Ин хабарро Борис Ҷонсон, нахуствазири Бритониё шахсан дар як паёмаш эълон карда буд.
Он замон Борис Ҷонсон гуфта буд, ки аломатҳои сабуктари коронавирусро эҳсос кардаву ба худҷудоӣ рафтааст.
