ДУШАНБЕ, 24 мар — Sputnik. Президенти UFC Дана Уайт гуфт, ки вай барои баргузории рақобати қаҳрамони UFC Ҳабиб Нурмуҳаммадов ва Тонӣ Фергюсони амрикоӣ макони нав пайдо кардааст, хабар медиҳад MMA Junkie.
Уайт гуфтааст, ҷой аллакай ёфт шудааст, аммо ӯ барои гуфтанаш омода нест. Бо вуҷуди ин, роҳбари UFC таъкид кард, ки мубориза тавре, ки ба нақша гирифта шуда буд, 18 апрел баргузор хоҳад шуд.
Ҳамзамон, вай гуфт, чорабинӣ пӯшида буда, ба он мухлисон даъват нашудаанд ва рақобат тариқи онлайн пахш мешавад, ки барои тамошои он бояд маблағ пардохт кард.
Пеш аз сабқат бо Фергюсон: Ҳабиб тарки Амрико кард
Президенти UFC гуфтааст, қаблан замони пахши чорабиниҳо баъзе мушкилот пеш меомад, аммо ҳоло мо инро меомӯзем ва кулли сокинони сайёра имкони тамошои муҳорибаро ба даст меоранд.
Ёдовар мешавем, Ҳабиб Нурмуҳаммадов рӯзи гузашта бо далели паҳншавии коронавирус Амрикоро тарк карда, ба Русия баргашт.
