Раҳмон дар Хуҷанд корхонаи коркарди меваю сабзавоти “Хуҷанд — Агро” – ро ифтитоҳ кард

© Sputnik / Михаил Климентьев / Гузариш ба медиабонкпрезидент Таджикистана Эмомали Рахмон
президент Таджикистана Эмомали Рахмон - Sputnik Тоҷикистон
Обуна шудан
Раисҷумҳури Тоҷикистон дар идомаи сафари кориаш ба вилояти Суғд корхонаи коркарди меваю сабзавоти “Хуҷанд — Агро”, ки дар шаҳри Хуҷанд бунёд шудааст, ифтитоҳ кард

ДУШАНБЕ, 24 мар — Sputnik. Имрӯз Эмомалӣ Раҳмон раисҷумҳури Тоҷикистон корхонаи коркарди меваю сабзавоти “Хуҷанд — Агро”, ки дар минтақаи саноатии шимолу шарқии маркази маъмурии вилояти Суғд - шаҳри Хуҷанд бунёд шудааст, ифтитоҳ кард, иттилоъ додааст дафтари матбуоти раисҷумҳур.

Президент Республики Таджикистан Эмомали Рахмон - Sputnik Тоҷикистон
Раҳмон дар ноҳияи Бобоҷон Ғафуров: ифтитоҳи корхона ва боздид аз гӯшаи табиат

Бино бар иттилои манбаъ, корхонаи “Хуҷанд-Агро” бо маблағгузории соҳибкорони ватанӣ ва ҷалби сармояи хориҷӣ, ки зиёда аз 3,5 миллион сомониро ташкил додааст, бунёд шудааст.

Дар корхонаи мазкур бо истифода аз технологияҳои Русия, Чин, Украина ва Олмон асосан коркарди меваю сабзавот, ба монанди сабзӣ, лаблабу, карам, пиёз, каду, сирпиёз, се намуди кабудӣ, картошка, лиму ва себ ба роҳ монда шудааст.

Тибқи иттилои мантаъ, дар як шабонарӯз дар корхонаи “Хуҷанд-Агро” аз 10 то 12 тонна меваю сабзавоти тару тоза мавриди коркард қарор мегирад.

“Корхона маҳсулоти кишоварзиро аз хоҷагиҳои деҳқонии вилоятҳои Суғду Хатлон ба тариқи яклухт дастрас намуда, дар се марҳила бо технологияи муосир тоза карда, дар ҳарорати 100 дараҷа пухта, реза ва хушк мекунад. Ҳамчунин дар худи корхона маҳсулоти тайёр мувофиқ ба талаботи бозори ҷаҳонӣ банду баст карда мешавад”, - таъкид доштааст манбаъ.

Водохранилище Таджикское море - Sputnik Тоҷикистон
Раҳмон дар соҳили Баҳри тоҷик истироҳатгоҳи навро ифтитоҳ кард

Маҳсулоти истеҳсолшудаи корхонаи мазкур, ба хориҷи кишвар, аз ҷумла Русия, Қазоқистон, Украина ва Аврупо содирот карда мешавад.

Ҳамзамон манбаъ зикр намудааст, ки айни замон дар анборҳои корхонаи “Хуҷанд-Агро” зиёда аз 1,5 ҳазор тонна сабзӣ ва пиёз захира карда шудааст, ки то ҷамъоварии ҳосили имсола марҳала ба марҳала дар асоси фармоиши ширкатҳои тиҷоратӣ ва талаботи бозори дохилию хориҷӣ мавриди коркард қарор мегирад.

Ҳамчунин бо мақсади таъмин намудан бо маҳсулоти кишоварзӣ, дар ҳудуди вилояти Суғд ба корхонаи коркарди меваю сабзавоти корхонаи “Хуҷанд-Агро” заминҳои корам вобаста карда шудааст.

Лентаи хабарҳо
0