ДУШАНБЕ, 17 марта – Sputnik. Идораи маънавии мусулмонони шаҳри Маскав эълон намудааст, ки мусалмонон метавонанд барои адои намоз муваққатан ба масҷид наоянд ва намозҳои худро дар хона бихонанд.
“Мо аз мардуми тақводор хоҳиш мекунем, ки намозҳои худро дар хона бихонед ва ба худ ва шахсони дигар зарар нарсонанед”, - таъкид доштааст Муфтиёти шаҳри Маскав
Дар ҳамин ҳол, идораи маънавии мусулмонони Русия ахиран эълом кард, ки муддати замони хондани намози ҷумъа бояд ба мизони қобили таваҷҷуҳе коҳиш ёбад.
Маъмулан намози ҷумъаи мусулмонон дар Русия ҳудуди як соат давом дорад, муфтии мусулмонони ин кишвар ба имомони ҷумъа дар саросари Русия тавсия кардааст, ки ин намозро ба муддати 10-15 дақиқа коҳиш диҳад.
Илова бар ин тавсия шудааст, ки ба таври куллӣ муддат замони иқомати муштараки мусулмонон дар фазоҳои сарпушида ва баста ба ҳаддиақал бирасад ва муддат замони намозҳои ҷамоат дар рӯзҳои дигар низ кӯтоҳ шавад.
Ҳамчунин ба ташкилоти мазҳабии мусулмон тавсия шудааст васоили зиддиуфуникунандаи дастҳоро дар маконҳо насб ва дамои бадани муроҷеакунандагонро бо табсанҷ арзёбӣ кунанд ва дар оғӯш кашидан дар байни кормандон ва мусулмонон дар масҷид ба ҳаддиақал бирасад.
