ДУШАНБЕ, 15 мар — Sputnik. Бино ба гузориши ВУД, ҳодисаи дуздӣ дар бозори "Фаровон" - и шаҳри Бохтар ба вуқӯъ пайвастааст.
Гуфта мешавад, ки ба ШВКД дар шаҳри Бохтар бо ариза ҷавони 25-солаи сокини кӯчаи Д.Халқҳои ҳамин шаҳр муроҷиат намудааст.
Ӯ шикоят кардааст, ки рӯзи 12-уми марти соли 2020, тахминан соати 13:00, дар бозори "Фаровон"-и шаҳри Бохтар шахси номаълум бо тариқи пинҳонӣ аз болои нуқтаи савдояш якчанд либосҳои мардонаро дуздида, аз ҷойи ҳодиса ғайб задааст.
Кисабурии зани 55 - сола дар бозори Корвон: қаблан бо ҷурми дуздӣ суд шудааст
"Зарари расонидашуда 5 ҳазору 145-сомониро ташкил медиҳад", - омадааст дар хабарнома.
Дар паи баргузории чорабиниҳои оперативӣ-ҷустуҷӯӣ аз ҷониби кормандони милитсия ҷавони 20-солаи сокини ҷамоати деҳоти И.Шарифи ноҳияи Данғара, ҳамчун гумонбар дар содир намудани кирдори дуздӣ дастгир карда шудааст.
Боздошти зани 36-солаи сокини Дарвоз ба иттиҳоми дуздӣ дар Корвон
Манбаъ афзуда, ки аз рӯи ин ҳодиса тафтишот идома дорад.
