Шаббос Негматуллоев дуввумин роҳхати Бозиҳои олимпии Токио-2020-ро ба даст овард

Обуна шудан
Дар пайи Баҳодур Усмонов Шаббос Негматуллоев, муштзани дигари тоҷик  роҳхат ба Бозиҳои олимпии Токио-2020-ро ба даст овард

ДУШАНБЕ, 11 мар — Sputnik. Ба иттилои Кумитаи миллии олимпии Тоҷикистон, Шаббос Негматуллоев, имрӯз дар мусобиқаи интихобии олимпӣ оид ба бокс дар Осиё – Уқёнус дар марҳилаи бокс-офф Санчин Кумари ҳиндуро шикаст дода, роҳхати олимпиро соҳиб шуд.

Баходур Усмонов стал чемпионом по боксу - Sputnik Тоҷикистон
Баҳодур Усмонов нахустин роҳхати олимпиро аз Тоҷикистон ба даст овард

Шаббос Негматуллоев бо Санчин Кумар дар вазни 81 кило рақобат карда, бо ҳисоби 5:0 пирӯзиро ба даст овард.
Қаблан Шаббос дар даври муқаддамотӣ бар варзишгари Тайландӣ Ҷаккапонг Йомҳот пирӯз шуда, вале дар чорякфинал аз Бекзод Нурдавлатови қазоқ шикаст хӯрда буд.

Дар вазни -81кг аз қораи Осиё-Уқёнус ба ғайр аз Шаббос Негматуллоев Бекзод Нурдавлатов аз Қазоқистон, Одаӣ Ал-Ҳиндавӣ аз Урдун, Чен Дасианг аз Чин ва Пауло Аукусо аз Австралия ҳаққи ширкат дар Бозиҳои олимпии Токио-2020-ро ба даст оварданд.

Ҳамчунин имрӯз Баҳодур Усмонов, муштзани шинохтаи тоҷик, баъди шикасти ҳарифи эронияш соҳиби роҳхат ба Олимпиадаи Токио-2020 гардид.

Баҳодур Усмонов, имрӯз, Ашкон Ризоӣ, варзишгари Эрониро бо ҳисоби 5:0 шикаст дода, роҳхати олимпиро ба даст овард.

Бозиҳои тобистонаи олимпӣ дар Токио аз 24-уми июл то 9-уми августи соли ҷорӣ доир мегардад.

 

Лентаи хабарҳо
0