ДУШАНБЕ, 3 март — Sputnik. Роҳбари мазҳаби масеҳии Кореяи Ҷанубӣ Ли Ман Хи барои тасодуфан паҳн кардани маризии коронавирус, аз мардум пӯзиш пурсид, хабар медиҳад РИА Новости.
신천지 교주 이만희, 자칭 재림예수가 마스크 쓰고 나와 기자회견 중. 신천지에 대해 비난하는 사람들 확성기 소리로 시끌벅적. pic.twitter.com/6IjJ8iXenS
— 느림보가 사는 세상?! (@knuepck) March 2, 2020
Ба иттилои манбаъ, пас аз паҳн шудани маризии коронавирус дар шаҳри Тэгу, роҳбари мазҳабӣ бо мардум нишасти хабарӣ баргузор намуд ва дар пеши омма пӯзиш пурсид.
"Ман расман узр мепурсам ва бисёр муттасифам. Ҷамъияти мо бо ҳукумат ҳамкории зич дорад ва мо барои пешгирӣ аз ин маризӣ ҳама корро анҷом хоҳем дод. Феълан баргузории ҳама чорабиниҳои мазҳабиро манъ намудем", - изҳор намудаст Ли Ман Хи.
속보 이만희 2번 절해... 국민에게 죽으라 선언 pic.twitter.com/H94USWaAJP
— [소전 온리전 라5/라7]난주바미 (@Nanju_Bami) March 2, 2020
Бояд гуфт, хуруҷи маризии коронавирус дар Ҷумҳурии Корея аз шаҳри Тэгу оғоз ёфт. Пайравони мазҳаби масеҳӣ дар ин шаҳр замни баргузор кардани як маросими мазҳабӣ аз ҳамдигар сироят шуданд. Зимнан, дардмандони ин бемориро дар тамоми ҷумҳурӣ паҳн карданд.
Муайян гардидаст, ки моҳи январ пайравони ин мазҳаб ба шаҳри Ухан сафар намуда, олудаи вируси корон шуда ба зодгоҳи худ баргаштанд.
Алъон дар Кореяи Ҷанубӣ, 2418 ҳолати сироятёбӣ ба маризии коронавирус миёни пайравони ин мазҳаб сабт гардидааст. Танҳо дар шаҳри Тэгу 3600 нафар дардмандӣ ин маризӣ мебошанд.
"Вирус дар Чин нобуд мешавад": пизишкон зидди "корона" ваксина ёфтанд
Дар ҳамин ҳол, рӯзи 2 - юми март, ҳукумати Сеул алайҳи 12 роҳбари ҷамъиятҳои мазҳабӣ ,ба гумони паҳнкунии маризии коронавирус ба додгоҳ шикоят бурдаанд.
