ДУШАНБЕ, 25 фев — Sputnik. Вазорати умури дохилаи Тоҷикистон аз ҳодисаи кордкашӣ дар ноҳияи Зафаробод гузориш медиҳад. Бино бар иттилои манбаъ, гумонбар бар ин ҷиноят мардест, ки пештар суд шуда буд.
"Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 35-солаи сокини ҷамоати деҳоти Ҳ.Алиеви ноҳияи Зафаробод, ки пеш бо моддаи 216 Кодекси ҷиноятии Ҷумҳурии Тоҷикистон суд шудааст, бо гумони қасдан расонидани зарари вазнин ба саломатӣ дастгир карда шуд", - менависад манбаъ.
Ҳодиса шаби 18 феврал рух додааст. Гуфта мешавад, ӯ тахминан соати 23:30-дақиқа, дар ҳудуди деҳаи Гулистон бо марди 28-солаи сокини ҷамоати деҳоти Равшани ҳамин ноҳия вохӯрда, аз сабаби муноқишаи ба миён омада, бо корд 2-маротиба ба шикамаш задааст.
Дар натиҷа, ҷабрдида ҷароҳати вазнини ҷисмонӣ бардошта, дар беморхона бистарӣ гардидааст. Нисбати гумонбаршаванда парвандаи ҷиноятӣ бо моддаи 110 қисми 1 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.
Кордкашӣ дар Султонобод бо боздошnи марди 31-сола анҷомид
Моддаи 110-и Кодекси ҷиноӣ - қасдан расонидани зарари вазнин ба саломатӣ аз 5 то 8 соли зиндонро пешбинӣ мекунад.
