ДУШАНБЕ, 15 янв — Sputnik. Ҳукумати Русия дар ҳайати пурра ба истеъфо меравад, изҳор намуд сарвазири ин кишвар Дмитрий Медведев.
"Дар ин замина, мусаллам аст, ки мо, ҳамчун ҳукумати Федератсияи Русия, бояд ба президенти кишвар имкон фароҳам орем, то ҳамаи қарорҳои заруриро қабул кунад. Дар чунин шароит, ман фикр мекунам, ки ба истеъфо рафтани ҳукумати Федератсияи Русия пешниҳоди дуруст аст", - гуфт Медведев.
Тахмин меравад, ки Медведев ба ҳайси муовини котиби Шӯрои амният кор кунад.
Ҳайати феълии ҳукумат ҳанӯз 18 - уми майи соли 2018 ташкил карда шуд. Ҳукумат таҳти роҳбарии Медеведев аз 32 аъзо иборат буд.
Қобили зикр аст, ки бори нахуст ҳукумати Медеведев 7 - уми майи соли 2018 пас аз савгандёдкунии Владимир Путин истеъфо дода буд.
Ёдовар мешавем, ки имрӯз раисҷумҳури Русия Владимир Путин ба Маҷлиси федеролӣ паёми солона ироа намуд.
