ДУШАНБЕ, 6 янв - Sputnik. Номзадии Гавҳар Шарофзодаро барои иштирок дар интихоботи Маҷлиси намояндагони Маҷлиси Олии Ҷумҳурии Тоҷикистон аз ҳавзаи якмандатии интихоботии Ҷайҳун №33 пешбарӣ гардидааст.
Бояд гуфт, ки Гавҳар Шарофзода феълан раҳбари Кумитаи забон ва ислоҳоти назди Ҳукумати Тоҷикистон мебошад.
Қаблан, Абдуҷаббор Азизӣ, ноиби аввали раиси Ҳизби ҳокими халқии демократии Тоҷикистон номзадии Рустам Шоҳмурод, вазири адлияи кишварро дар интихоботи парлумонии имсола пешниҳод карда буд.
Охирин паёми Раҳмон ба парлумони феълӣ: аз қарори Убайдуллоев то раиси оянда
Пешниҳоди Рустами Шоҳмурод дар ҳолест, ки чанд вазиру раиси кумитаи дигар низ дар рӯйхати ҳизбии ҲХДТ ба ҳайси номзад дар интихоботи парлумонии 1 марти соли равон пешбарӣ шудаанд.
Гавҳар Шарофзода 54 сол дошта, зодаи вилояти Хатлон мебошад. Номбурда соли 1990 Донишгоҳи давлатии омӯзгории Тоҷикистонро бо ихтисоси омӯзгор хатм намуда, феълан доктори илмҳои филологӣ, дотсент мебошад.
Шарофзода сар аз соли 2013 роҳбарии Кумитаи забон ва ислоҳоти Тоҷикистонро бар ӯҳда дорад.
