ДУШАНБЕ, 28 ноя — Sputnik. Ҷангиёни Толибон дар манотиқи Сари Пули Афғонистон аз ҷониби низомиёни афғон маҳв гардиданд, хабар медиҳад Tolo News
Гуфта мешвад, Толибон ҳадаф доштанд бо мошини ҳомили маводи тарканда вориди шаҳр шаванд, вале онҳоро мақомоти қурдатӣ дар манотиқи Сари Пул безарар гардонданд.
СММ: дар Афғонистон дар соли 2019 беш аз 370 ҳазор нафар овора шудааст
Зикр мегардад, ки аснои задухӯрд маводи тарканда мунфаҷир шуд ва ҳамаи ҷангиён ба ҳалокат расиданд. Бар асари ин ҳодиса ҳамчунин 13 афроди мулкӣ бо шумули кӯдакон ҷароҳатдор шуданд.
Хабаргузории "Интерфакс" ҳамчунин аз як задухӯрди Толибон бо мақомоти амниятӣ дар марзи Тоҷикистон хабар медиҳад. ҳодиса дар гузаргоҳи Дарқад рух дода, бар асари он ду фармондеҳи Толибон Қорӣ Қодир ва Қаҳрамон бо ҳамроҳии 11 ҷангии дигар кушта шуданд.
Гуфта мешавад, дар ин даргирӣ як низомии афғон ба ҳалокат ва 6 тани дигар ҷароҳатҳои гуногуни ҷисмонӣ бардоштанд.
