ДУШАНБЕ, 27 ноя — Sputnik. Дар Узбакистон бар асари садамаи маргбори нақлиётӣ як шаҳрванди Тоҷикистон ба ҳалокат расидаст, хабар медиҳад Вазорати умури дохилии ин кишвар.
Бар хабари манбаъ, ҳодисаи маргбор бегоҳи рӯзи 24 - уми ноябр дар роҳи автомобилгарди ноҳияи Пахтачини вилояти Самарқанд рух додаст.
Ронандаи автомашинаи тамғаи "Opel", ки шаҳрванди Тоҷикистон будаст ба бетони канори роҳ бархӯрдаст. Иллати рух додани садама, хоб рафтани ронанда сари чамбараки мошин гуфта мешавад.
Зимнан, манбаъ меафзояд, ки аснои бархӯрдан ба бетони канори роҳ, ронанда ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидаст.
Дар дохили мошин ҳамчунин як мусофири дигар низ қарор дошт, ки бо бардоштани ҷароҳатҳои вазнини ҷисмонӣ фавран ба беморхона интиқол ёфт.
Марг дар роҳ ба Ватан: шахсияти тоҷикони ҳалокшуда дар садамаи Оренбург маълум шуд
Феълан кормандони мақомоти ҳифзи ҳуқуқ ҷузъиёти ҳодисаро муайян мекунанд.
