ДУШАНБЕ, 19 ноя — Sputnik. Донишҷӯи Донишгоҳи миллии Тоҷикистон Ся Жан аввалин луғати тоҷикӣ-чинӣ барои телефони мобилиро таҳия намудаст, хабар медиҳад агентии "Ховар".
Манбаъ меафзояд, айни замон луғат дорои ҳазор калима аз забони тоҷикӣ ба чинӣ ва зиёда аз 5 ҳазор калима аз забони чинӣ ба тоҷикиро дарбар мегирад.
Ся Жан, ки худро Бобоҷон муаррифӣ мекунад, гуфтаст, ки ин корро ба хотири беҳтар намудани ҳолати мавҷудаи омӯзиши забонҳои тоҷикиву чинӣ барои дӯстдорони забон, таърих ва фарҳанги Тоҷикистону Чин анҷом додааст.
"Ман ҳангоми омӯхтани таърихи Тоҷикистон ба ҷамъоварии калимаҳои таърихӣ машғул шудам. Айни замон калимаҳои тоҷикиеро, ки ҳар рӯз истифода мешаванд, ҷамъоварӣ намуда, ба забони чинӣ тарҷума карда истодаам. Албатта, калимаҳои зиёде мавҷуданд, ки то ҳол ба барнома ворид нагардидаанд, вале марҳила ба марҳила кӯшиш менамоям онро пурратар намоям", - омадааст дар хабар.
Гуфта мешавад, Ся Жан феълан ба коркарди луғати чинӣ-суғдӣ ва чинӣ-яғнобӣ машғул аст. Ӯ тасмим гирифтааст, ки дар ояндаи луғати мазкурро то ба 10 калима расонад.
