ДУШАНБЕ, 20 окт — Sputnik. Размикори машҳури ирландӣ ва қаҳрамони UFC Конор Макгрегор дар таҷовузи духтари ҷавон гунаҳкор дониста шудааст, хабар медиҳад The New York Times.
Бино ба гузориши нашриёт, ҳодиса дар яке аз истгоҳҳои мошинҳо дар шаҳри Дублин ба вуқӯъ пайвастааст.
Дар ин ҳодиса духтари 20-сола ҷабрдида будааст. Гуфта мешавад ин ҳодисаи нангин шоҳид ҳам доштааст, ки тибқи қавонин номи онҳо бурда намешавад.
То кунун пулиси Ирландия нисбати размикори машҳур қарори ниҳоӣ набаровардааст.
Дар баробари ин намояндагони Конор Макгрегор ин хабарҳоро бепоя хонда, мегӯянд бофтае беш нест.
"Ман хато кардам": узрхоҳии Макгрегор барои муштзании мӯйсафед
"Конор зуд-зуд қаҳрамони моҷароҳо мешавад. Ӯ қатъиян ҳама гуна айбдориҳоро дар таҷовузи ҷинсӣ рад мекунад", - гуфтаанд намояндагони варзишкор.
Ин ҳодиса дар соли 2019 бори дуввум аст, ки қаҳрамони UFC дар таҷовуз муттаҳам мешавад ва ба ин хотир дар сархати расонаҳо қарор мегирад.
Пештар Конор Макгрегор дар тарабхона марди солхӯрдаеро шаппотӣ зада буд.
