ДУШАНБЕ, 5 окт — Sputnik. Дар ҷаласаи навбатии комиссияи кишварҳои узви ИДМ, ки рӯзи 10 октябри соли равон дар шаҳри Ераван баргузор мегардад, масъалаи муҳоҷирати ғайриқонунӣ баррасӣ хоҳад шуд, иттилоъ додааст хабаргузории БЕЛТА дар истинод ба кумитаи иҷроияи ИДМ.
Бино бар иттилои манбаъ, дар ҷаласаи мазкур намояндаи кишварҳои ҳамсуд масъалаи ошкори роҳҳои муҳоҷирати ғайриқонунӣ ва андешидани чораҳо барои пешгирӣ ва мубориза бо онро баррасӣ хоҳанд кард.
Инчунин, дар ҷаласаи мазкур тарафҳо иҷрои барномаи оид ба мубориза бо муҳоҷирати ғайриқонунӣ барои солҳои 2015-2019-ро баррасӣ хоҳанд кард.
Ҳамзамон дар ҷаласаи мазкур лоиҳаи Созишномаи таҳияшудаи ВКД Русия дар самти ҳамкории кишварҳои ҳамсуд оид ба тартиби таҳияи шаҳодатнома барои баргашти нафарони иҷборан ихроҷшуда муҳокима хоҳад шуд.
Ҳамчунин дар ҷаласаи мазкур барномаи кори комиссияи муштарак барои соли 2020 баррасӣ шуда, интихоби роҳбари нави комиссиясурат мегирад.
