ДУШАНБЕ, 3 окт — Sputnik. Ба иттилои дафтари матбуоти Агентии фасод, алайҳи ду ташхисгар, рӯзи 19 - уми сентябр як шаҳрванд бо аризаи даъвогӣ шикоят намуд.
Манбаъ меафзояд, шаҳрванд "А" ба Шуъбаи минтақавии Агентии фасод дар шаҳру ноҳияҳои водии Ҳисор бо ариза муроҷиат намуд, ки нисбати эксперти тиббӣ-судии Шуъбаи байниноҳиявии Турсунзода Убайдов Назирҷон Бобоқулович ва Ҳамраев Фируз Бобомуродович чораҳои қонунӣ андешида шавад.
Боздошти корманди ВУД Тоҷикистон: 30 ҳазор доллар танҳо барои як парванда
Ба иттилои манбаъ, номбурдагон аз ӯ бо роҳи фиреб ва суиистифодаи боварӣ, барои аз ҷавобгарии ҷиноятӣ озод намудани писари додараш шаҳрванд "Б", ки нисбаташ бо моддаи 139 қисми 4 Кодекси ҷиноятии Тоҷикистон парвандаи ҷиноятӣ оғоз гардидааст, маблағи 10.000 доллар талаб карда истодаанд.
Зимнан, гумонбаронро ҳинни гирифтани пора ба маблағи 7 000 доллари амрикоӣ дастгир намуданд.
Ҷаримаи калони собиқ муҳандис барои ғайриқонунӣ додани қитъаи замин дар Восеъ
Агентии фасод мегӯяд, нисбати Убайдов ва Ҳамраев бо моддаи 247 қисми 4 Кодекси ҷиноятии Тоҷикистон парвандаи ҷиноятӣ оғоз гардидаст.
Моддаи 139 қисми 4 - и Кодекси ҷиноятии Тоҷикистон ҳаракати зӯроварии дорои хусусияти шаҳвонӣ буда, маҳрумият аз озодӣ ба мӯҳлати аз 15 то 20 солро пешбинӣ мекунад.
Феълан тафтиши пешакии парвандаи ҷиноятӣ идома дорад, мегӯяд манбаъ.
