ДУШАНБЕ, 23 сен — Sputnik. Дар Вилояти Мухтори Кӯҳистони Бадахшон ҳавои камабр ва тағйирёбандаи бебориш дар назар аст. Шамол аз самти ғарб бо суръати 3-8 метр дар як сония мевазад. Ҳаво дар ғарби вилоят шабона 9+14 ва рӯзона 25+30 дараҷа гарм ва дар шарқи вилоят шабона 2-7 ва рӯзона 14+19 дараҷа гарм мешавад, хабар додааст “Ховар” аз қавли Ожонси ҳавошиносӣ.
Манбаъ афзуд, дар вилояти Суғд ҳаво камабри бебориш, шамол аз самти ғарб бо суръати 3-8 ва дар баъзе ҷойҳо то 15-20 метр дар як сония мевазад. Ҳаво дар водиҳо шабона 12+17 ва рӯзона 22-27 дараҷа гарм мешавад. Дар ноҳияҳои кӯҳӣ ҳаво шабона +10 ва рӯзона 21-26 дараҷа гарм дар назар аст.
Дар вилояти Хатлон ҳаво камабри бебориш мешавад. Шамол аз самти ғарб бо суръати 0-5 метр дар як сония мевазад. Ҳаво дар водиҳо шабона 15+20 ва рӯзона 33+38 дараҷа гарм мешавад. Дар доманакӯҳҳо ҳаво шабона 11+16 ва рӯзона 27+32 дараҷа гарм мешавад.
Фармоиши Ҳукумат: 6 гулгаштро дар хиёбони Қарабоев кӣ месозад?
Дар шаҳру ноҳияҳои тобеи марказ ҳаво камабри бебориш шуда, шамол аз самти ғарб бо суръати 4-9 метр дар як сония мевазад. Ҳаво дар водиҳо шабона 10+15 ва рӯзона 29+34 дараҷа гарм мешавад. Дар ноҳияҳои кӯҳӣ ҳаво шабона 9+14 ва рӯзона 24+29 дараҷа гарм мешавад.
Дар шаҳри Душанбе ҳаво тағйирёбандаи абрнок, бебориш ва ғуборолуд мешавад. Шамол аз самти ғарб бо суръати 3-8 метр дар як сония мевазад. Ҳаво шабона 11+13 ва рӯзона 31+33 дараҷа гарм мешавад.
