ДУШАНБЕ, 22 сен — Sputnik. Дар вилояти Чӯйи Қирғизистон гумонбар дар куштори духтарчаи 14-сола боздошт шудааст. Дар ин бора Sputnik Қирғизистон бо такя ба Вазорати умури дохилӣ хахабар медиҳад.
Рӯзи 22 сентябр соати 6:00 зани 57-сола ба мақомоти пулис муроҷат кардааст. Ӯ барои ёфтани наберааш, ки рӯзи 20 сентябр аз хона баромада бедарак шудааст, кумак пурсидааст.
Дар паи амалиёти вижаи ҷустуҷӯӣ, кормандони мақомоти қудратӣ, ҷасади духтарчаи 14-соларо дар яке аз манзилҳои вайрона ёфтаанд. Дар бадани ӯ нишонаҳои зиёди ҷароҳати маҷбурӣ ҳувайдо будааст.
Дар паи баргузории амалиёти ҷустуҷӯӣ, марди 20-сола, ки пештар суд шудаасту сокини ноҳияи Кемини вилояти Чуй аст, ҳамчун гумонбар дар куштори духтарчаи ноболиғ боздошт шудааст.
Тибқи маълумоти пешакии мақомот, қазия рӯзи 20 сентябр тақрибан соати 21:30 рух додааст.
Марди 20-сола дар яке аз кӯчаҳо, духтарчаи ноболиғро вохӯрда ба зӯрӣ ба манзили вайрона овардааст, то бо ӯ рафтори беҷо анҷом диҳад.
Духтарча муқобилият нишон додааст ва гумонбар ӯро то мурдан куфтааст.
Аз рӯи ин қазия парвандаи ҷиноӣ боз шудаасту тафтишот идома дорад.
