ДУШАНБЕ, 19 сен — Sputnik. Маҷмӯи маҳсулоти дохилии Тоҷикистон дар ҳашт моҳ нисбат ба ҳамин давраи соли гузашта 7,4% рушд ёфтааст, хабар дод "Ховар" аз қавли Вазорати рушди иқтисод ва савдо.
Манбаъ афзудааст, ки дар низоми ММД болоравии истеҳсоли маҳсулоти саноатӣ – ба 13,3 фоиз баробар шудаст. Ин нишондод дар ҳашт моҳи соли гузашта 12,9% буд. Инчунин маҳсулоти кишоварзӣ - 8,3%, муомилоти савдои чакана - 8,5%, боркашонӣ - 4,7% ва хизматрасонии пулӣ - 2% афзоиш ёфтаанд.
Масъулини Вазорат, дар шарҳи афзоиши ҳиссаи саноат дар низоми ММД, ки дар 8 моҳ ба 17,9% баробар шудааст, изҳор доштаанд, ки болоравӣ ба амалисозии ҳадафи чоруми стратегӣ - саноатикунонии Тоҷикистон рабт дорад.
Қарзи берунии Тоҷикистон аз 50 дарсади ММД зиёд шудааст
Қаблан Эмомалӣ Раҳмон, раисиҷумҳури Тоҷикистон вазифа гузошт, ки кишвар аз сохти рушди агросаноатӣ ба сохти индустриалӣ-аграрӣ гузарад ва он яке аз вазифаҳои асосии Стратегияи миллии рушди Тоҷикистон барои давраи то соли 2030 муайян карда шуд.
