ДУШАНБЕ, 11 сен — Sputnik. Тибқи иттилои котиботи раисиҷумҳури Тоҷикистон, ба Эмомалӣ Раҳмон гузориш доданд, ки дарозии қитъаи роҳи автомобилгарди "Кӯлоб -Шамсиддин Шоҳин" 32,7 километр буда, он ҷавобгӯ ба меъёрҳои байналмилалӣ сохта мешавад.
Дар асоси лоиҳаи таҷдиди қитъаи роҳи мошингарди "Кӯлоб - Шамсиддин Шоҳин" сохтмони 3 адад пул дар мавзеъҳои кӯҳӣ бунёд мешаванд.
Котиботи раисиҷумҳур зикр аст, ки ҳамарӯза тариқи ин ронандагону мусофирон ва сайёҳони зиёде сафар мекунанд ва ҳамзамон молу маҳсулоти содироту воридотшаванда интиқол дода мешавад.
"Тибқи лоиҳа инфрасохтори зарурӣ дар роҳи автомобилгарди қитъаи “Кӯлоб-Шамсиддин Шоҳин” бунёди қубурҳои обгузар, ҷуйборҳои бетонӣ, такядеворҳо, воситаҳои иҳотакунанда, хатҳои уфуқӣ, аломатҳои роҳ ва ғайра дар назар дошта шудааст", - омадааст дар иттилоия.
Баҳои баланди Раҳмон ба Давлатов, ки ҳаҷ нарафту маркази хизматрасонӣ сохт
Эмомалӣ Раҳмон зимни муаррифии лоиҳаи сохтмони роҳи мошингарди қитъаи "Кӯлоб - Шамсиддин Шоҳин" барои анҷоми босифати корҳои сохтмонӣ ба роҳсозон дастуру супоришҳои мушаххас додаст.
Раисиҷумҳур таъкид намудааст, ки дар вақти корҳои сохтмонӣ 90 фоизи коргарон аз ҳисоби сокинони маҳаллӣ ба кор ҷалб карда шаванд.
