ДУШАНБЕ, 8 сен - Sputnik. Макгрегор пешниҳод кард, ки қувваозмоии дубора – “реванш” бо Ҳабиб Нурмуҳаммедов дар шаҳри Маскав ташкил карда шавад, навиштааст ӯ дар Twitter.
Қаблан Дан Уайт, президенти UFC ташкили дигарбораи қувваозмоии Макгрегор ва Нурмуҳаммадовро истисно накард ва тавзеҳ дод, ки ба шарте агар довталаби камарбанди қаҳрамонӣ Тонӣ Фергюсон ба майдон набарояд, эҳтимол дорад, ки Макгрегор рақиби навбатии Ҳабиб шавад.
Қувваозмоии қаблии Ҳабиб ва Макгрегор моҳи октябри соли гузашта баргузор шуд, ки бо пирӯзии размикори доғистонӣ анҷомид.
Нурмуҳаммедов шоми 7 сентябр дар пайи пирӯзияш бар рақиби амрикоӣ, Дастин Пуаре аз сабқаташ бо Макгрегор ёд карда, гуфт, ки он “девонагӣ”-ҳои зиёд дошту мехоҳад он ҳамаро фаромӯш кунад.
Размикори доғистонӣ илова намуд, ки имрӯз бо Дастин Пуаре ва тими бузургаш нишон доданд, ки ҳунарҳои размии омехта чист. Ба гуфтаи ӯ дар ин бахш ҳурмату эҳтиром дар мақоми аввал мебошад.
