ДУШАНБЕ, 25 июл — Sputnik. Кумитаи ҳолатҳои фавқуллодаи Тоҷикистон аз наҷот додани панҷ нафар аз рӯди Сир хабар медиҳад.
Бар хабари манбаъ, се тан аз ғарқшудаҳо аз як оила буда, хоҳар ба бародари ҳамдигар мебошанд.
Гуфта мешавад, шаҳрвандон дар мавзеи барои оббозӣ манъшуда, шиноварӣ карда ба гирдоб афтиданд. Онҳоро дастаи зудамали раёсати Кумитаи ҳолатҳои фавқуллода дар вилояти Суғд сари вақт аз дарё берун оварданд.
Бар хабари манбаъ, пас аз об берун овардан ба онҳо ёрии аввалияи тиббӣ расонида шуда. Аммо аз интиқол додани онҳо ба беморхона саркашӣ намуданд, мегӯяд манбаъ.
Дар Душанбе ноболиғи 17- сола худро ба дарё партофта, худкушӣ кард
Зимнан кумитаи мазкур тавзеҳ медиҳад, ки бар хилофи огоҳӣ ва тавсияҳои такрорӣ оид ба риояи қоидаҳои бехатарӣ ҳангоми оббозӣ, на ҳамаи шаҳрвандон онро риоя мекунанд.
Кумитаи фавқуллода мегӯяд, аз оғози соли равон дар рӯду обонборҳои Тоҷикистон дасти кам 80 нафар ғарқ шудааст, ки аз ин миён 32 нафарашон кӯдакон ва ноболиғони то синни 17 соларо ташкил медиҳад.
Ғарқшавии ҷавонзану духтари 16-сола дар Исфара
Ба иттилои Кумитаи фавқуллода, наҷотдиҳандагон тавонистанд ҷони 14 нафарро аз ғарқшавӣ наҷот диҳанд.
