ДУШАНБЕ, 9 июл — Sputnik. Дар вилояти мухтори Кӯҳистони Бадахшон тамринҳои ҳарбии Қувваҳои мусаллаҳи Тоҷикистону Чин доир мегардад, хабар медиҳад ТоҷикТа.
Гуфта мешавад дар тамрини мазкур аз тарафи Тоҷикистон нерӯҳои ҳавоӣ, дифои ҳавоӣ ва қушунҳои пиёдагард ширкат меварданд. Ҳамчунин иштироки ҳайати гарнизони ҳарбии ВМКБ низ дар назар аст.
Кадом ҷузъу томҳои Қувваҳои мусаллаҳи давлати Чин дар машқгоҳ иштирок мекунанд, то ҳол номаълум аст.
Ёдовар мешавем,ки низомиёнии Тоҷикистон ва Чин ҳанӯз соли 2016 дар қаламрави ВМКБ тамрини ҳарбӣ гузаронида буданд. Вале он замон Ҷумҳурии халкии Чинро артиши миллии кишвараш намояндагӣ намуд.
Низомиёни Тоҷикистону Чин дар тамринҳо, амалҳои муштаракро ҳангоми пайдо шудани хатари вуруди террористон аз Афғонистон тариқи Тоҷикистон ба қаламрави Чин, мавриди таҷрибаву амал қарор медиҳанд.
Барои иштирок дар тамринҳо ҳамчунин нерӯҳои ҳавоӣ, техникаи зиреҳпӯш, артиллерия, силоҳи тирандозӣ низ сафарбар мешавад.
