Дар Душанбе рӯзи 22-июн бо ширкати сафири Русия дар Тоҷикистон Игор Лякин-Фролов, раҳбари Россотрудничества Михаил Вождаев, таърихшиноси тоҷик Ғафур Шерматов, низомиёни пойгоҳи 201-ум ва дигар ашхоси хоҳишманд дар оромгоҳи насрониҳо ҳашар баргузор шуд.
Мардуми ҷаъомада гирду атрофи оромгоҳро аз хасу хошок тоза карда панҷараҳои рангпаридаро ранг карданд.
Рӯзи 22 июн дар собиқ кишварҳои узви Иттиҳоди Шӯравӣ рӯзи ҳузнангез аст. Ин рӯз оғози Ҷанги Бузурги Ватанӣ, ки қисме аз Ҷанги дувуми ҷаҳонӣ аст, гуфта мешавад
Рӯзи 22 июни соли 1941 Олмони фашистӣ бе эълони ҷанг ба Иттиҳоди Шӯравӣ ҳуҷум кард.
Нафаре аз аҳолии чандмиллионаи 15 кишвари иттиҳод хабар надошт, ки Олмон ҷангро маҳз дар ҳамин рӯз сар мекунад, ки хисороти ҷониву молии бесобиқа дошт.
Ҳамасола дар ин рӯз дар шаҳри Душанбе ба муносибати Рӯзи поси хотири ҳалокшудагони ҶБВ чорабиниҳои гуногун баргузор мешавад.
