ДУШАНБЕ, 18 июн - Sputnik. Бештари омӯзгорони рус, ки давоми сол дар макотибҳои Тоҷикистон дарс мегуфтанд, хоҳиши давом додани шуғлашон дар ин кишварро иброз намуданд.
Дар ин бора Лилия Гумерова муовини раиси Кумитаи Шӯрои Федератсия Русия аз Бошқирдистон доир ба илм, маориф ва фарҳанги хабар дод.
Дар Тоҷикистон соли хониш ба анҷом расид ва омӯзгорони рус ба ватан баргаштанд. Аммо аксари онҳо тасмим доранд то оғози соли хониш дубора ба Тоҷикистон баргарданд ва ба фаъолияти худ оғоз намоянд.
"Беш аз 50 дарсади омӯзгорони рус тасмим доранд, дар ин лоиҳа бимонанд. Онҳо мехоҳанд фаъолияти омӯзгорияшонро дар макотибҳои Тоҷикистон давом диҳанд’’, таъкид намуд Гумерова ба Sputnik Таджикистан.
Омӯзгороне, ки ба ватани худ баргаштанд, метавонанд дубора дар ҷойҳои кории қаблиашон фаъолдияти худро идома диҳанд. Кафолати иҷтимоӣ ва таҷрибаи кории онҳо ҳифз карда мешавад, таъкид дошт муовини раис.
Мансабдорони рус одат намудани омӯзгорон дар ҷойи на ва то чӣ андоза аз тарафи мақомот ба онҳо таваҷҷуҳ зоҳир карда мешавадро озмоиш карданд.
"Ба омӯзгорони рус таваҷҷӯҳи бисёр аст. Ҳамаи муаллимон бар инанд, ки онҳоро бисёр хуб пазироӣ карданд, миёнашон ҳамдигарфаҳмии зиёд аст ва инчунин толибилмони тоҷик бо як шавқу ҳаваси калон забони русиро меомӯзанд", - гуфт Гумерова.
Ба ақидаи вай таваҷҷӯҳи дигар давлатҳо низ ба лоиҳаи андӯхтани забони русӣ баръало ҳис мешавад.
"Ба фикри ман ин яке аз муваффақтарин лоиҳа ба ҳисоб меравад. Алъон бештари давлатҳои ИДМ ба монанди Қирғизистон ба мо пешниҳоди ба роҳ мондани ин лоиҳаро дар кишварҳои худ ироа карданд. Мо ҳам чунин пешниҳодҳоро мавриди баррасӣ қарор додем, илова намуд ", - Гумерова.
Муовини раис ҳамчунин таъкид намуд, ки хонандагони тоҷик кушиш мекарданд ба мактабҳо ва синфҳое, ки омӯзгорони рус таълим медоданд дохил шаванд.
Маврид ба зикр аст, ки тирамоҳи соли гузашта 48 омӯзгор аз манотиқҳои гунонуни Русия ба Тоҷикистон омаданд. Онҳоро миёни 20 макотиби шаҳрҳои гуногуни Тоҷикистон тақсим намуданд.
Лоиҳаи башардӯстонаи Русия ва Тоҷикистон давоми ду сол аст, ки фаъолият мекунад ва ҳамчунин миёни кишварҳои ИДМ низ аҳамияти хос пайдо кардааст.
