ДУШАНБЕ, 2 июн — Sputnik. Тибқи иттилои Федератсияи футболи Тоҷикистон, мунтахаби наврасони кишвар бо роҳбарии сармураббӣ Зайниддин Раҳимов дар мусобиқаи байналмилалӣ ба хотири аввалин ноиби президенти FIFA Валентин Гранаткин иштирок мекунанд.
ЮНОШЕСКАЯ СБОРНАЯ ТАДЖИКИСТАНА (U-17) ОТПРАВИЛАСЬ В САНКТ-ПЕТЕРБУРГ НА МЕМОРИАЛ ГРАНАТКИНА-2019
— Tajikistan Football (@fft_official) 2 июня 2019 г.
Юношеская сборная Таджикистана сегодня утром отправилась в Санкт-Петербург для участия в Мемориале Валентина Гранаткина, который пройдет с 4 по 14 июня.https://t.co/mld7QQZHbh pic.twitter.com/Brekn2TcTm
Ин мусобиқа аз 4 то 14 июн дар шаҳри Санкт-Петербурги Русия доир мегардад, ки дар он иштироки 12 дастаи мунтахаби варзишгарони соли таваллуди 2001 дар назар аст.
Тими наврасони Тоҷикистон дар гурӯҳи “С” бо дастаҳои Полша, Қирғизистон ва Русия-2 бозӣ мекунад. Зери парчами дастаи дуюми Русия тими Санкт-Петербург – ғолиби соли гузаштаи мусобиқа - баромад мекунад.
Гурӯҳи “А” аз дастаҳои Булғория, Молдова, Русия, Ҳиндустон ва гурӯҳи “В” аз дастаҳои Туркия, Эрон, Аргентина ва Юнон таркиб ёфтаанд.
Тими наврасони Тоҷикистон аввалин бозиашро 5 июн муқобили дастаи Қирғизистон анҷом медиҳад. Шогирдони Зайниддин Раҳимов 7 июн дар даври дуюм бо дастаи Русия-2 ва 10 июн бо наврасони Полша вомехӯранд.
Дар асоси низомномаи мусобиқа ғолибони гурӯҳҳо ва як дастаи беҳтари ҷои дуюми гурӯҳҳо ба нимфинал роҳ меёбанд. Дастаҳои дигар барои ҷойҳои аз 5 то 12-ум мусобиқаро идома медиҳанд.
