ДУШАНБЕ, 28 апр — Sputnik. Зодаи Тоҷикистонро барои пешниҳоди маълумоти бардуруғ зимни гирифтани шаҳрвандии Русия, аз шаҳрвандии ин кишвар маҳрум карданд.
Дар ин бора нашриёти маҳаллӣ бо такя ба ФСБ хабар медиҳад.
Додгоҳи марказии ноҳияи Хабаровск шаҳрванди Тоҷикистонро аз шаҳрвандии Русия маҳрум кард. Шаҳрванди Тоҷикистон ба гуноҳи худ иқрор нашуда, ба додгоҳи олӣ аризаи шикоятӣ додааст, вале додгоҳи олӣ қарори додгоҳи ноҳиявиро тағйир надодааст.
Маълум шудааст, ки зодаи Тоҷикистон пештар барои узви созмони тундрав будан, суд шудааст.
Пештар хабар дода шуд, ки Эстония ба як зодаи Тоҷикистон шаҳрвандӣ медиҳад.
Ҳукумати Эстония қарори вижаеро дар бораи додани шаҳрвандии кишвар ба як зодаи Тоҷикистон ба тасвиб расонидааст.
Ба ба иттилои ҳукумати ин кишвар, марди тоҷик барои ин бояд аз шаҳрвандие, ки феълан дорад, даст кашад.
