ДУШАНБЕ, 4 апр — Sputnik. Зимни доир намудани чорабиниҳои оперативӣ-ҷустуҷӯӣ аз ҷониби кормандони милитсия зани 43-солаи сокини шаҳри Душанбе бо гумони қаллобӣ дастгир карда шудааст, иттилоъ додааст дафтари матбуотии Вазорати умури дохилаи кишвар.
Манбаъ афзудааст, ки номбурда, рӯзи 17-уми августи соли 2018 бо роҳи фиреб ба боварии зани 41-солаи сокини ноҳияи Шоҳмансур даромада, аз ӯ 40 ҳазор сомонӣ гирифта, то ҳол маблағашро барнагардонидааст.
Ҳамчунин оид ба ҳолати қаллобӣ ба ШВКД-1 дар ноҳияи Фирдавсӣ аризаи зани 57-солаи сокини пойтахт ворид гардидааст, ки моҳи августи соли 2016 зани 43-солаи ноҳияи Рӯдакӣ, бо роҳи фиреб ба бовариаш даромада, аз ӯ 5000 доллари амрикоӣ ва 12 грамм ҷавоҳироти тиллоӣ гирифта, то ҳол маблағашро барнагардонидааст.
Аз рӯи ин ҳодисаҳо тафтишот идома дорад.
