ДУШАНБЕ, 22 мар — Sputnik. Як шаҳрванди Тоҷикистон дар шаҳри Калугаи Русия барои бадрафтории ҷинсӣ нисбати се кӯдак ба 15 соли зиндон муҳкум шуд.
"Шаҳрванди 38-солаи Тоҷикистон барои ҳаракатҳои хусусияти шаҳвонидошта нисбати се духтари 7-8-сола ба 15 соли зиндон маҳкум шуд", - менависад Кумитаи тафтишотии Русия дар вилояти Калуга.
Бино бар иттилои тафтишот, моҳи майи соли гузашта мард манзили як сокини Калугаро таъмир мекардааст. Пас аз чанде ӯ дар ҳамин ҷо бо се духтарак шинос шудааст.
Онҳо ба волидонашон амалҳои мардро нақл кардаанд.
Ҷинояткор аввал бо кӯдакон бозӣ карда, сипас ба онҳо ширинӣ дода, бо баҳонае ба манзилаш даъват кардааст. Сипас дар назди онҳо урён шуда, нисбаташон рафторҳои бешармона кардааст.
Мақомоти Русия мардро моҳҳои июн дастгир карда, тафтишот оғоз кардаанд. Дар натиҷа муҳоҷири тоҷик ба 15 соли зиндон маҳкум шудааст.
Ёдрас мешавем, моҳи июли соли гузашта дар шаҳри Серпухови вилояти Маскав як кӯдаки панҷсолаи тоҷик Ҳувайдо Тиллозодаро таҷовуз ва ба қатл расониданд.
Феълан, Александр Семин, қотили эҳтимолӣ дар боздошт аст ва тафтишот идома дорад.
