Раиси Суғд ба рӯзноманигорон аз 4 то 5 ҳазор сомонӣ ҷоиза дод

© Қамари Аҳрор, рӯзноманигорҒолибони озмуни "Хомаи созанда - 2018"
Ғолибони озмуни Хомаи созанда - 2018 - Sputnik Тоҷикистон
Обуна шудан
Раҷаббой Аҳмадзода, раиси вилояти Суғд озмуни вилоятӣ таҳти унвони “Хомаи созанда-2018”-ро ҷамъбаст карда, ба ғолибон диплом ва аз 4 то 5 ҳазор сомонӣ ҷоиза супурд

ДУШАНБЕ, 7 фев — Sputnik. Музаффар Юнусов, котиби матбуотии раиси вилоят дар маросими ҷоизасупорӣ ҳадафи озмуни мазкурро дастгирии рӯзноманигорон ва сари вақт хабардор кардани ҷомеа аз дастоварду мушкилоти аҳамияти иҷтимоидошта гуфт.

Виды Ишкашима, архивное фото - Sputnik Тоҷикистон
Соли 2018 дар Бадахшон 6 ширкати сайёҳӣ ба фаъолият оғоз карданд

Тибқи иттилои дафтари матбуоти раиси вилояти Суғд, қабули мавод 1 то 20-уми октябри соли 2018 ба роҳ монда шуд.

Манбаъ афзуд, беш аз 60 рӯзноманигор дар масоили марбут ба рушди сайёҳӣ, ҳунарҳои мардумӣ, саноат, кишоварзӣ, муаррифии минтақаҳои сайёҳӣ ва анъанаву ҳунарҳои мардумӣ дар сатҳи байналмилалӣ мавод пешниҳод карданд.

Рӯзноманигор Қамари Аҳрор барои инъикоси мавзуъҳои ҳунармандӣ, Неъматулло Мирсаидов барои инъикоси масоили саноат ва Тилав Расулзода барои маводи муаррификунанда дар сатҳи байналмилалӣ тариқи расонаҳои интернетӣ ҷойи аввал ва аз 4 то 5 ҳазор сомонӣ ҷоиза гирифтаанд.

Эмомали Рахмон провел заседение Совбеза страны  - Sputnik Тоҷикистон
Президент дар бораи “Солҳои рушди деҳот, сайёҳӣ ва ҳунарҳои мардумӣ” фармон содир кард

Ҳайати ҳакамон дар бахшҳои дигар Равзалӣ Амонов, Лола Раҷабова, Субҳиддин Қодиров, Илҳом Ҳошимов, Обидҷон Каримов, Эҳсон Муҳаммадиев, Ислом Бобоев, Мадина Узоқова, Мастона Муҳиддилозода, Ӯрунбой Усмонов, Ҷамшеди Маъруф, Афзал Босолиев, Маҳмуд Аҳмадов, Дилрабо Анорқулова, Муҳаббат Муродова, Маъмура Самадова ва дигаронро ғолиб донистааст.

Маросими ҷоизасупорӣ ба ғолибон 5 феврали соли 2019 дар толори Осоишгоҳи “Баҳористон” баргузор гардидааст.

Лентаи хабарҳо
0