ДУШАНБЕ, 4 фев — Sputnik. Ба Вазорати умури дохилаи Тоҷиктсон ҷавоне шикоят бурдааст, ки рафақаш ӯро корд зада, таҳдид ба куштан кардааст.
Бино бар иттилои манбаъ, ба ШВКД-1 дар ноҳияи Сино бо ариза ҷавони 20-солаи сокини ноҳияи Восеъ муроҷиат намудааст.
Ба гуфтаи вай, 2-юми феврали соли 2019, тахминан соати 23:30-дақиқа, дар кӯчаи Ҳувайдуллоеви пойтахт рафиқаш, ҷавони 21-солаи сокини ноҳияи Восеъ, муваққатан сокини шаҳри Душанбе ӯро таҳдиди куштан намуда, бо корд дасташро харошида, ба пойи чапи ӯ як маротиба зада, аз ҷои ҳодиса ғайб задааст.
Кормандони вазорат ҷавони гумонбарро дастгир кардаанд.
Тафтишоти қазия идома дорад.
