Барқ нест: Тоҷикистон содироти барқро ба Узбакистон қатъ кард

© Sputnik / Амир ИсаевЗдание энергохолдинга "Барки точик", архивное фото
Здание энергохолдинга Барки точик, архивное фото - Sputnik Тоҷикистон
Обуна шудан
Ширкати “Барқи Тоҷик” эълом намудааст, ки ба далели камбуди барқ барои масрафи дохилӣ дар Тоҷикистон, содироти барқ ба Узбакистонро қатъ кард

ДУШАНБЕ, 12 дек — Sputnik.  Бино ба гузориши сомонаи “Parstoday”, ширкати “Барқи Тоҷик”  эълон намудааст, ки ба далели оғози фасли сармо ва пойин омадани сатҳи оби рӯдхонаҳо ва коҳиши мизони оби вурудӣ ба садди нерӯгоҳи барқӣ - обии “Норак” маҷбур шудаанд, ки интиқоли барқ ба Узбакистонро қатъ намоянд.

Здание Барки Точик. Архивное фото - Sputnik Тоҷикистон
Ширкати "Барқи тоҷик" болоравии нархи барқро дар Тоҷикистон шарҳ дод

Содироти барқи Тоҷикистон ба Узбакистон бар асоси тавофуқи дуҷониба аз баҳори имсол, пас аз 9 соли танаффус аз сар гирифта шуд ва ба гуфтаи мақомоти Тоҷикистон дар 9 моҳи гузашта, ҷумҳурӣ ба кишвари ҳамсоя як миллиарду 500 миллион киловатт соат барқ интиқол додааст.

Ширкати “Барқи Тоҷик” эълом карданд, ки баҳори имсол имкони содироти барқи Тоҷикистон ба Узбакистон пас аз баҳрабардорӣ аз хати дувуми 220 киловатии интиқоли барқи ин кишвар дар вилояти Сурхондарё фароҳам шудааст.

Ҳамчунин имсол сохти хати ҷадиди 220 киловатии интиқоли барқи Тоҷикистон ба Узбакистон дар ноҳияи Исфара оғоз шуд, ки муҷиби афзоиши содироти барқ ба Узбакистон хоҳад шуд.

Батарея в подъезде жилого дома - Sputnik Тоҷикистон
“Барқи тоҷик”: гармидиҳӣ ба биноҳои пойтахт зина ба зина таъмин мегардад

Қимати ҳар киловатт соат барқи содиротии Тоҷикистон ба Узбакистон 2 сентро ташкил медиҳад.

Таваққуфи содироти барқ ба Узбакистон дар ҳоле аст, ки мардум дар дохили Тоҷикистон бо камбуди барқ рӯбарӯ ҳастанд ва сокинони теъдоде аз навоҳии ин кишвар эълом кардаанд, ки дар соатҳои мушаххасе аз шабонарӯз барқ дарёфт мекунанд ва амалан маҳдудияти интиқоли барқ оғоз шудааст.

Лентаи хабарҳо
0