ДУШАНБЕ, 24 ноя — Sputnik. Бино бар иттилои вазорати тандурустии Тоҷикистон, рӯзи 22 ноябри соли равон бо иштироки Насим Олимзода, Вазири тандурустӣ ва ҳифзи иҷтимоии аҳолии Тоҷикистон дар ҷамоати деҳоти Чӯянгарони ноҳияи Ваҳдат корхонаи коркарди гиёҳҳои шифобахш ифтитоҳ ёфт.
Зимни маросими ифтитоҳи корхона Салим Абдулазизов, сардори раёсати фарматсия ва молҳои тиббии Вазорати тандурустии Тоҷикистон таъкид намудааст, ки яке аз самтҳои афзалиятноки сиёсати давлатии доруворӣ, рушди истеҳсоли маҳсулоти дохила будааст.
“Дар корхонаи мазкур зиёда аз ҳафт намуди гиёҳҳои дорувории ватанӣ коркард ва бастубанд гардида, ба аҳолӣ пешкаш карда мешаванд”, -таъкид намудааст манбаъ.
Тибқи иттилои манбаъ, корхонаи мазкур бо таҷҳизоти ҳозиразамон таъмин шуда аст.
