ДУШАНБЕ, 3 сен — Sputnik. Бино ба иттилои Назира Ғаффорӣ, муовини раиси вилоят Суғд, аз 46 мактаби дар ҳолати садамавӣ қарордошта дар 13 адади он корҳои навсозӣ оғоз ёфтааст, хабар додааст дафтари матбуоти ҳукумати вилояти Суғд.
Ба гуфтаи манбаъ, зимни суханронӣ Назира Ғаффорӣ таъкид намудааст, ки мақомоти вилояти Суғд барои навсозӣ ва таҳким бахшидани пояи моддиву техникии муассисаҳои таълимӣ чораҳои зарурӣ меандешад.
Инчунин вай афзуд, ки дар ин давра хонандагони муассисаҳои таълимии вилоят бо либоси ягонаи мактабӣ пурра таъмин шудаанд.
Дар ҳамин ҳол Раиси вилояти Суғд Раҷаббой Аҳмадзода ба масъулин дастур дод, ки то ҷашни 30-солагии Истиқлолияти давлатӣ мушкилоти мактабҳои садамавӣ, норасогии синфхонаҳо ва танқисии мактабҳо бо кадрҳои баландихтисос ба пуррагӣ бартараф карда шавад.
