ДУШАНБЕ, 26 авг — Sputnik. Ҳамлаи мазкур ҳадди ақал ду кушта барҷой гузошта, феълан роҳбарияти мақомоти амнияти миллӣ ва умури дохилӣ дар ҷои ҳодиса қарор доранд.
Расонаҳои Тоҷикистон аз қавли манобеи худ навиштаанд, ки "Нива" баъди зуҳри 26 август дар ҳоли ҳаракат дар наздикии марз бо Афғонистон ҳадафи тирпаронӣ, аз ҷумла бо "гранатамёт" қарор гирифтааст. Дар мавриди шеваи ҳамла итилои зиддунақиз нашр шудааст. Бар асоси бархе аз манобеъ ҳамла аз он тарафи марз сурат гирифтааст.
Аз афроди ҷабрдида, сокинони оддии Фархор ном бурда мешавад, ки дар идораи ҷангал кор мекардаанд.
Феълан мақомоти Тоҷикистон шарҳи расмиеро дар ин бора ироа накардаанд.
Қаблан мақомоти тоҷик ва Русия аз таҷаммӯи ҷангҷӯён дар шимоли Афғонистон, наздикии марз бо Тоҷикистон изҳори нигаронӣ карда буданд.
