ДУШАНБЕ, 20 авг — Sputnik. Ҳукумати Тоҷикистон вазири молияи кишварро муваззаф кардааст, ки аз номи Тоҷикистон созишномаи грантӣ бо Бонки аврупоии таҷдид ва рушдро имзо кунад.
Бар асоси қарор, грантҳои бонки аврупоӣ барои рушди нақлиёти ҷамъиятӣ дар Хатлон, қабл аз ҳама дар шаҳри Бохтар равона хоҳанд шуд.
Масъули иҷрои тарҳ, муассисаи давлатии "Бохтарнақлиётхизматрасон" таъин шудааст.
Вазорати умури хориҷии Тоҷикистон дастур гирифтааст, ки макону замони имзои созишномаро бо Бонки аврупоии таҷдид ва рушд мувофиқа кунад.
Ин қарор дар ҳолест, ки ахиран шаҳрҳои Душанбе ва Хуҷанд соҳиби нақлиёти нави ҷамъиятӣ гардиданд.
