Сиёсати нав: яке аз доротарин минтақаҳои Русия ба муҳоҷирон хона медиҳад

© Sputnik / Евгений Биятов / Гузариш ба медиабонкСвязка ключей от квартир многоэтажного жилого дома, архивное фото
Связка ключей от квартир многоэтажного жилого дома, архивное фото - Sputnik Тоҷикистон
Обуна шудан
Наталя Комарова, губернатори минтақаи мухтори Хантӣ Манасийск, лоиҳаеро ба тасвиб расондааст, ки бар асоси он муҳоҷирони мутахассис бо манзили истиқоматӣ таъмин мешаванд

ДУШАНБЕ, 12 авг — Sputnik. Тибқи иттилои дафтари матбуоти ҳукумати Хантӣ Мансийск, дар минтақа сиёсати давлатӣ дар умури муҳоҷирон барои солҳои 2018-2020 ба тасвиб расид.

Губернатор Наталя Комарова изҳор доштааст, ки минтақаи таҳти идорааш таҷрибаи ғании қабули теъдоди зиёди муҳоҷиронро дорад.

Трудовые мигранты, архивное фото - Sputnik Тоҷикистон
Ҳушдори Академияи назди Президенти Русия аз хатари камшавии муҳоҷирон

"Мехоҳем дар барномаи давлатӣ чорабиниҳои дахлдорро барои ҷалби муҳоҷирони мутахассис ба лоиҳаҳо дар соҳаи маориф, тандурустӣ ва истеҳсолот ворид кунем. Ҳадди ақал фонди махсуси манзил ташкил мешавад, ки муҳоҷирони мутахассисро бо хона таъмин хоҳад кард", — гуфтааст Комарова.

Алексей Варлаков, мудири бахши меҳнат ва шуғли аҳолии минтақаи мухтори Хантӣ Мансийск изҳор доштааст, ки дар ҷалби мутахассисон ҳавасманданду барои мутобиқсозии фарҳангию забонии онҳо чорабиниҳои махсусро роҳандозӣ мекунанд.

Ба гуфтаи Варлаков муҳоҷирон аз тамоми имтиёзҳои иҷтимоӣ, аз ҷумла таъминот бо манзили зист бархӯрдор хоҳанд шуд.

Минтақаи мухтори Хантӣ Мансийск —Югра, субъекти федералӣ буда, ба вилояти Тюмен шомил мебошад.

Минтақа аз нафту газ бой буда, аз нигоҳи вазъи иҷтимоӣ-иқтисодӣ дар Русия, баъди Маскав дар ҷои дуюм қарор дорад.

Лентаи хабарҳо
0