Аз хурсандӣ ашк рехтам: изҳори сипоси сайёҳи амрикоӣ ба милисаи тоҷик

© Вазорати умури дохилаМилисаҳо ба гардишгари хориҷӣ кӯмак расониданд
Милисаҳо ба гардишгари хориҷӣ кӯмак расониданд - Sputnik Тоҷикистон
Обуна шудан
Кормандони шӯъбачаи сайёҳии ВУД ба гардишгарони хориҷӣ кӯмак расониданд: сайёҳи амрикоӣ мегӯяд, интизор набуд, ки милиса ба зуддӣ ба кӯмакаш мерасад

ДУШАНБЕ, 8 авг — Sputnik. Вазорати умури дохилаи Тоҷикистон аз аввалин корнамоии кормандони Шӯъбачаи сайёҳии ВУД хабар  додааст: милисаҳо ба хонаводаи амрикоие фавран кӯмак расониданд.

Бино бар иттилои манбаъ, 8-уми август дар кӯчаи Рӯдакӣ-Теҳрони шаҳри Душанбе Матю Пушел ном шаҳрванди Амрико бо ҳамроҳии оилааш ва кӯдаки хурдсолаш  дар дохили  таксӣ ҳамён ва ҳуҷҷатҳои худро фаромӯш мекунад.

Сипас гардишгар аз ин қазия "Пулиси сайёҳӣ"-и ВУД-ро хабардор кардааст.

"Кормандони шуъбачаи сайёҳӣ онҳоро фавран ба Маркази "Шаҳри бехатар" оварда, автомашинаи таксиро пайдо намуда, дар муддати кӯтоҳ ҳамён ва ҳуҷҷатҳои ӯро бар мегардонанд", — менависад манбаъ.

Матю Пушел гуфтааст, ки умед надошт, киҳуҷҷат ва ҳамёнашро пайдо кунад ва фикр мекард, ки бо ин далел ба мушкилии бузурге рӯ ба рӯ мешавад, аммо кормандони милиса ба кӯмакаш шитофтанд.

"Ин хатогии худам буд, ки ҳамён ва ҳуҷҷатҳоямро дар таксӣ фаромӯш кардам ва ҳеҷ боварӣ надоштам, ки онҳоро меёбам. Вале бо кӯмаку дастгирии кормандони полиси сайёҳӣ онҳоро дар дар муддати 20 дақиқа ёфтам. Бовар мекунед, вақте ки онҳоро ба ман баргардониданд ман аз хурсандӣ ашк рехтам, чунки гум кардани онҳо барои ман як ҳодисаи ногаҳонӣ буд, зеро ман бо аҳли оилаам пагоҳ бояд ба Амрико баргардем. Мо барои сафар чипта харида, омодагӣ мегирифтем", — гуфтааст гардишгар.

Место трагедии в Таджикистане где погибли иностранные туристы - Sputnik Тоҷикистон
Ширкати туркӣ сайёҳони маҷруҳ ва кушташуда дар Данғараро ба Ватан расонд

Ин хонавода бори дуввум барои саёҳат ба Тоҷикистон омадаанд.

Ёдрас мешавем, шӯъбаи сайёҳии милисаи ВУД пас аз ҳодисаи хунини гардишгарон дар Данғара ташкил шуд.

Вазифаҳои он аз ҳифзи тартиботи ҷамъиятӣ, таъмини амният, роҳбаладии сайёҳони хориҷӣ, додани маълумоти зарурӣ ба онҳо, кӯмак расонидан ва ҳифз намудани манфиати сайёҳон, пешгирии ҷинояткорӣ дар байни онҳо ва содир гардидани ҷиноят нисбати сайёҳон иборат аст.

Лентаи хабарҳо
0